ភ្នំពេញ៖ នាយករដ្ឋមន្ត្រី សម្ដេចធិបតី ហ៊ុន ម៉ាណែត បានណែនាំទៅដល់ក្រសួងការងារធ្វើការបណ្ដុះបណ្ដាលវិជ្ជាជីវៈទៅដល់អតីតយុទ្ធជនដែលនៅមានកម្លាំងរួមទាំងកូនៗរបស់ពួកគាត់ផងដែរ។
សម្ដេចលើកឡើងបែបនេះនៅក្នុងខួបទី១៧ នៃទិវាយុទ្ធជនដែលរៀបចំឡើងនូវសាកលវិទ្យាល័យការពារជាតិព្រឹកថ្ងៃទី២៦ ខែមិថុនា ឆ្នាំ២០២៤។
បច្ចុប្បន្នកម្ពុជាមានអតីតយុទ្ធជនប្រមាណជាង ១០ម៉ឺននាក់ និងអ្នកនៅក្នុងបន្ទុកជិត១៥ម៉ឺននាក់ កំពុងទទួលប្រាក់របបសន្តិសុខសង្គមប្រចាំខែ ពីរដ្ឋ ដែលប្រាក់របបនេះត្រូវបានកែសម្រួល ជាបន្តបន្ទាប់ ដោយផ្អែកតាមកំណើនសេដ្ឋកិច្ចជាតិ៕
